Лінкі ўнівэрсальнага доступу

Беларусь трапіла ў топ-10 краінаў сьвету з самай таннай унівэрсытэцкай адукацыяй


Выпускнікі БДУ.

Нашая краіна займае ў дзясятцы сёмае месца. Паводле рэйтынгу разьдзела «Адукацыя» брытанскага выданьня The Telegraph, атрымаць унівэрсытэцкую ступень у Беларусі каштуе 3 450 фунтаў.

Яшчэ таньней будзе каштаваць выйшэшая адукацыя ў Славеніі, Польшчы, Нарвэгіі. Найменш трэба заплаціць у Аргентыне, Бангладэш і Кеніі. Напрыклад, унівэрсытэцкі дыплём у Кеніі абыдзецца трохі больш за тысячу фунтаў.

Даражэй за ўсё ўнівэрсытэцкая адукацыя каштуе ў Аўстраліі (каля 27 тысяч фунтаў). Трохі таньней вучыцца ў Паўднёвай Карэі і Сінгапуры. Адукацыя ў ЗША у сярэднім абыдзецца ў 23 з паловай тысячы фунтаў (4-е месца ў рэйтынгу самых дарагіх). За імі ідзе Вялікабрытанія з 21 тысячай фунтаў.

The Telegraph адазначае, што Беларусь упершыню сёлета трапіла ў сусьветны рэйтынг вышэйшых навучальных установаў, заняўшы месца сярод 800 іншых унівэрсытэтаў.

Глядзець камэнтары (5)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG