Лінкі ўнівэрсальнага доступу

«Караткевіч — зь бел-чырвона-белым сьцягам, а гэта мяне не задавальняе, хаця ўладу трэба мяняць...» — апытаньне ў Горадні


Падчас збору подпісаў за Тацяну Караткевіч

Што вы ведаеце пра канкурэнтаў Лукашэнкі на выбарах? З такім пытаньнем наш карэспандэнт зьвяртаўся да гарадзенцаў.

пачакайце

No media source currently available

0:00 0:02:27 0:00
Наўпроставы лінк

Жанчына сярэдняга веку: «Папраўдзе, то мне няма калі іх слухаць. Праўда, я і ня памятаю, хто ў нас яшчэ ў кандыдатах, ня ведаю іх прозьвішчаў. Бачыла, што выступае жанчына і яшчэ два мужчыны. У яе праграме нешта за моладзь, падвышэньне заробкаў, а астатнія, то і ня ведаю...»

Мужчына пэнсійнага веку: «А што тут каго яшчэ абіраць, выбары ўжо адбыліся...»

Мужчына перадпэнсійнага веку: «Зь іх самая разумная — Караткевіч. Яна насамрэч годная, каб яе абралі прэзыдэнтам. Астатнія апанэнты — толькі дзеля таго, каб расьцягнуць гэтую ціну. А потым яны скінуць свае галасы Лукашэнку і зьбягуць».

Мужчына сярэдняга веку: «Толкам нічога пра іх не магу сказаць. Праўда, аднаго бачыў па тэлебачаньні. Гайдукевіч, Караткевіч, а трэцяга ня памятаю. Але ніхто і праграмаў іх нідзе ня кідае, і па тэлебачаньні вельмі рэдка паказваюць».

Малады мужчына: «Нічога пра іх ня ведаю, няма нідзе ніякай інфармацыі, і па тэлебачаньні ніхто не паказвае. Прозьвішчы — так, здаецца, памятаю, але каб пачуць ці пабачыць, то не. Нават не ўяўляю, якія яны. Вось калі Жырыноўскага ў Расеі ведаю, то там ведаю. А ў нас іх не афішуюць, няма свабоды слова».

Мужчына перадпэнсійнага веку: «У мяне зьявілася цікавасьць да Караткевіч, калі яе пабачыў. Але яна зь бел-чырвона-белым сьцягам, а гэта мяне не задавальняе, хаця ўладу трэба мяняць. Пра астатніх магу сказаць простую рэч — гэта статысты, пэнсіянэры, і што тады мяняць шыла на мыла?»

Мужчына сярэдняга веку: «Бачыў жанчыну толькі, і яна будзе кіраваць сэрцам...»

Маладая жанчына: «А вось нам толькі сёньня ўлётку кінулі, будзем знаёміцца, хаця да выбараў літаральна некалькі дзён. Прозьвішчы чула, але хто яны такія, пакуль ня вывучыла».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG