Лінкі ўнівэрсальнага доступу

Skype шэсьць гадзін працаваў зь перабоямі па ўсім сьвеце

абноўлена

Мэсэнджэр, якім валодае карпарацыя Microsoft, доўга не даваў лагініцца ці рабіць выклікі.

У панядзелак, 21 верасьня, каля 11:30 па менскім часе праграма Skype пачала працаваць зь перабоямі: ня ўсім даходзяць паведамленьні, амаль усе карыстальнікі адлюстроўваюцца як «ня ў сетцы», зрабіць галасавы ці відэавыклік немагчыма. Часам паведамленьні атрымліваецца адсылаць і прыняць.

Мяркуючы па сайтах, што правяраюць статус інтэрнэт-сэрвісаў, і паведамленьнях на калектыўным блёгу Reddit, праблемы са Skype назіраюцца па ўсім сьвеце.

У блогу Skype прызналі праблему і сьцьвярджалі, што яна ўжо вырашаецца. На час непаладак рэкамэндуецца карыстацца вэб-вэрсіяй на web.skype.com.

На 18:00 па менскім часе ў блогу паведамілі пра рашэньне праблем з уваходам у Skype і паступовым аднаўленьні працы. На момант публікацыі некаторя праблемы, як то некарэктнае адлюстраваньне статусу ці немагчымасьць рабіць выклікі, застаюцца актуальнымі.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG