Лінкі ўнівэрсальнага доступу

У Горадні будзе музэй ВКЛ


Гарадзенскі стары замак

Пра гэта паведаміў старшыня Гарадзенскага гарвыканкаму Мечыслаў Гой.

Музей ВКЛ мяркуецца разьмясьціць у цэнтры Горадні — у былым будынку нацыянальнага гістарычнага архіву на плошчы Тызэнгаўза.

«Мы вывучаем грамадзкую думку. Хацелася б выкарыстоўваць будынак найбольш эфэктыўна і ў той жа час асаблівым чынам. Разам зь літоўскімі калегамі абмяркоўваем магчымасьць стварэньня ў будынку музэя ВКЛ. Гэтая ідэя вельмі добрая для Горадні, якая ў складзе ВКЛ зьяўлялася фактычна другой сталіцай. Да таго ж такога музэя пакуль у краіне няма, і стварэньне яго ў Горадні прыцягне турыстаў, станоўча паўплывае на імідж гораду», — сказаў БЕЛТА Мечыслаў Гой.

Ідэя стварэньня музэя ВКЛ нарадзілася падчас сустрэчы Мечыслава Гоя з мэрам Друскенікаў.

«Нас падзяляе ўсяго 35 км, у нас агульная гісторыя. Мы сапраўды можам зрабіць гэта сумеснымі намаганьнямі па адным з праектаў міжнароднай тэхнічнай дапамогі. Ідэяй вельмі зацікавіліся абодва бакі, мы плянуем шчыльна прыступіць да яе распрацоўкі, каб падаць заяўку ў праграмы на будучы фінансавы пэрыяд», — адзначыў Мечыслаў Гой.

Музэй плянуецца разьмясьціць на другім паверсе былога будынка архіву.

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG