Як паведаміў адзін зь лідэраў партыі Алесь Чахольскі, Уладзімер Ціхановіч узначальваў Каліноўскую раду Першамайскага раёну партыі, быў сярод першых актывістаў Беларускага народнага фронту. Памёр Уладзімер Ціхановіч у выніку захворваньня, у жніўні яму споўнілася шэсьцьдзесят гадоў.
«Уладзімера Ціхановіча пахаваюць заўтра на ягонай малой радзіме, у вёсцы «Красное знамя» каля Жодзіна. Ён быў адным з тых беларусаў, якія працавалі дзеля адраджэньня Беларусі, не шкадуючы свайго часу, сілаў і жыцьця. Імёны гэтых людзей мусяць насіць вуліцы, плошчы і мястэчкі, а ня мець назвы «Красное знамя», адзначыў Алесь Чахольскі.
