Лінкі ўнівэрсальнага доступу

Лукашэнка: Мы гатовыя дапамагаць Таджыкістану ў любую хвіліну


Сьцяг Таджыкістана

Пра гэта заявіў кіраўнік Беларусі Аляксандар Лукашэнка на сустрэчы з кіраўніком Таджыкістана Эмамалі Рахмонам 14 верасьня.

Лукашэнка адзначыў, што, нягледзячы на складаныя ўмовы для земляробства, у Таджыкістане атрымліваюць два ўраджаі хлебу і практычна падышлі да таго, каб забясьпечваць свае патрэбы:

«Гэта вялікае дасягненьне. Я разумею, што вам складана. Прырода падкідвае розныя сюрпрызы. Вы ведаеце, мы гатовыя вам дапамагчы ў любую хвіліну».

Паводле кіраўніка Беларусі, закрытых тэм у беларуска-таджыцкіх адносінах няма:

«Мы гатовыя супрацоўнічаць па ўсіх напрамках, і ўсё, што мы можам, — мы заўсёды гатовыя рабіць для нашых братоў-таджыкаў. Ведаю, што вы робіце грандыёзныя намаганьні дзеля бясьпекі ў рэгіёне. Гэта няпроста даецца, але вы мужна змагаецеся за мір і спакой у сваёй дзяржаве».

Лукашэнка сказаў, што гэтыя праблемы будуць абмеркаваны на пасяджэньні рады калектыўнай бясьпекі АДКБ:

«Вы нашы блізкія, родныя браты, і мы, натуральна, павінны рабіць усё, каб ваш народ адчуваў сябе ў бясьпецы».

Эмамалі Рахмон сказаў, што беларуска-таджыцкае ўзаемадзеяньне разьвіваецца ўстойліва і дынамічна:

«Упэўнены, што сумеснымі намаганьнямі мы зможам падняць узровень шматплянавага ўзаемавыгаднага супрацоўніцтва на больш высокі».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG