Лінкі ўнівэрсальнага доступу

Ярмошына лічыць гісторыю з атручваньнем Цярэшчанкі рэклямным трукам


Лідзія Ярмошына

Рэклямным трукам назвала ў інтэрвію тэлеканалу «Беларусь-1» кіраўніца ЦВК Беларусі Лідзія Ярмошына гісторыю з атручваньнем у менскай кавярні прэтэндэнта ў прэзыдэнты эканаміста Віктара Цярэшчанкі.

Віктар Цярэшчанка падаў у ЦВК дакумэнты на рэгістрацыю кандыдатам у прэзыдэнты нягледзячы на тое, што большасьць подпісаў, сабраных у падтрымку яго вылучэньня, тэрытарыяльнымі выбарчымі камісіямі былі прызнаныя несапраўднымі. Ініцыятыўная група Цярэшчанкі здала каля 130 тысяч подпісаў, праўдзівымі былі прызнаныя менш за сем тысяч.

Сам прэтэндэнт у дні праверкі подпісаў знаходзіўся ў аддзяленьні пульманалёгіі 3-й гарадзкой клінічнай бальніцы Менску. Палітык сьцьвярджае, што яго атруцілі 28 жніўня ў менскай кавярні, дзе ён піў маркоўны сок. Патэнцыйны кандыдат у інтэрвію БелаПАН заявіў, што атруціць яго магла нейкая «трэцяя сіла».

Віктар Цярэшчанка пасьля атручваньня, у шпіталі
Віктар Цярэшчанка пасьля атручваньня, у шпіталі

«Яна можа быць унутраная, а можа быць — і зьнешняя», — заявіў палітык. Ён таксама ня выключыў, што ў выпадку дрэннага стану здароўя здымецца з перадвыбарчай гонкі.

Старшыня беларускага ЦВК у інтэрвію БТ заявіла, што ня верыць у тэорыі змовы. Пры гэтым яна адзначыла, што Цярэшчанка нельга назваць апазыцыйным і небясьпечным для дзейных уладаў.

Што тычыцца заявы Цярэшчанкі аб «зьнешняй сіле», то, па словах Ярмошынай, «гэта глупства».

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG