Лінкі ўнівэрсальнага доступу

У Менску разьвіталіся з Уладзімерам Кішкурнам ФОТА

абноўлена

Уладзімер Кішкурна памёр раніцай 4 верасьня ў рэанімацыі Івацэвіцкага цэнтральнага раённага шпіталя, куды быў дастаўлены 2 верасьня пасьля дарожна-транспартнага здарэньня.

Разьвітаньне з Уладзімерам Кішкурнам адбылося ў ягонай прыватнай сядзібе ў Менску, у раёне вуліцы Арлоўскай. Над сядзібай традыцыйна лунаў бел-чырвона-белы сьцяг.

Разьвітацца з актывістам прыйшлі паплечнікі і сябры. Сярод іх — Валер Мазынскі, Вінцук Вячорка, Аляксей Марачкін, Пётра Садоўскі, Аляксей Кавалец, Алесь Бяляцкі, Кася Камоцкая, Вольга Мікалайчык, фермер Уладзімер Матусевіч, Сяргей і Тамара Мацкевічы ды іншыя. Знакаміты цымбаліст Аляксандар Лявончык зайграў беларускія і клясычныя сусьветныя журботныя мэлёдыі, сьпяваў хор пад кіраўніцтвам Аляксея Галіча.

Беларускага дзеяча адпявалі паводле эвангелічна-рэфармацкага абраду.

Уладзімера Кішкурну пахавалі на могілках вёскі Строчыцы Менскага раёну.

Раніцай 2 верасьня на сваім легкавіку 77-гадовы Уладзімір Кішкурна, які два гады таму перанёс інфаркт, выехаў зь Менску на лекаваньне ў санаторый “Белая вежа”, што знаходзіцца ў Камянецкім раёне Берасьцейскай вобласьці.

Дзесьці каля 14 гадзінаў на вялікай хуткасьці аўтамабіль актывіста ўехаў у грузавік, які рухаўся ў спадарожным кірунку з хуткасьцю 70 км у гадзіну. Уладзімер Кішкурна ужо ў шпіталі пасьпеў сказаць жонцы, што яму стала кепска. ДТЗ адбылося на аўтамагістралі Менск-Берасьце. Нягледзячы на тое, што спрацавалі падушкі бясьпекі, кіроўца атрымаў сур’ёзныя пашкоджаньні лёгкіх і пячонкі. Пасьля начной апэрацыі спадар Уладзімер быў падключаны да апарату штучнай вэнтыляцыі лёгкіх.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG