Лінкі ўнівэрсальнага доступу

На менскай «Каменнай горцы» да Burger King дадасца яшчэ і KFC


У раёне менскага мэтро «Каменная горка» насупраць рэстарану хуткага харчаваньня Burger King, які запрацаваў сёлета ў жніўні, неўзабаве зьявіцца яшчэ адзін знакаміты брэнд — KFC.

Прынамсі пра гэта сьведчаць рэклямныя абвесткі на адным з чатырох павільёнаў-блізьнюкоў, якія паўсталі абапал выхадаў зь мэтрапалітэнаўскіх пераходаў. Цяпер установа набірае пэрсанал, рамонтныя працы блізяцца да завяршэньня.

У кампаніі «Бел Фуд Сэрвіс», якая валодае франшызай KFC у Беларусі, спадзяюцца, што ўстанова пачне прымаць наведнікаў ужо ў верасьні. Дарэчы, дагэтуль меркавалася, што першая «кропка» згаданай сеткі адчыніцца ў кінатэатры «Цэнтральны», дзе кампанія выйграла аўкцыён на права арэнды. Але ў выніку нешта не «зраслося».

KFC (Kentucky Fried Chicken) — усясьветна вядомая сетка рэстаранаў хуткага абслугоўваньня, якая спэцыялізуецца на стравах з курынага мяса. Брэнд KFC амаль 60 гадоў таму заснаваў у ЗША уладальнік прыдарожнай кавярні Гарланд Сандэрс. Цяпер KFC прысутнічае ў 110 краінах сьвету. Пад гэтай маркай працуе 16 000 рэстаранаў, якія абслугоўваюць 15 000 000 наведнікаў штодня.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG