Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com. Пажадана дасылаць фота ў прапорцыі 16 на 9.
Афіша:
Пачынаецца візыт Аляксандра Лукашэнкі ў Кітай. Лукашэнка возьме ўдзел ва ўрачыстых мерапрыемствах, прымеркаваных да 70-годзьдзя перамогі ў вайне зь Японіяй і заканчэньня Другой сусьветнай вайны. Падчас візыту заплянаваныя сустрэчы кіраўніка Беларусі з кіраўніцтвам Кітаю.
Беларусь наведае дэлегацыя парлямэнту Славаччыны на чале са старшынём Канстытуцыйнага камітэту Нацыянальнай Рады Робэртам Мадзеям.
У Менску ў офісе Партыі БНФ (вул. Чарнышэўскага, 3) адбудзецца сустрэча з былым палітвязьнем Яўгенам Васьковічам. Пачатак у 18-30.
У офісе Беларускай асацыяцыі журналістаў (вул. Камсамольская 7) прадставяць першыя вынікі маніторынгу прэзыдэнцкай выбарчай кампаніі ў СМІ. Пачатак у 11.00.
У будынку Міністэрства замежных справаў адбудзецца адкрыцьцё выставы «Палянэзы на вяртаньне», прысьвечанай 250-годзьдзю з дня нараджэньня Міхала Клеафаса Агінскага.
У сталіцы Азэрбайджану, Баку, маюць абвясьціць прысуд у справе журналісткі Радыё Свабода Хадзіджы Ісмаілавай.
У гісторыі:
1435 — у бітве пад Вількамірам літоўска-польскія войскі перамаглі армію Сьвідрыгайлы і нанятых ім крыжакоў.
1827 — у Расейскай імпэрыі забаронена прымаць сялянаў у вышэйшыя і сярэднія навучальныя ўстановы.
1870 — франка-пруская вайна: францускія войскі разьбітыя пад Сэданам, імпэратар Напалеон III узяты ў палон
1906 — у Вільні выйшла пеpшая легальная белаpyская газэта «Hаша доля», у газэце ў гэты дзень вершам «Наш родны край» адбыўся літаратурны дэбют Якуба Коласа.
1939 — нападам нацысцкай Нямеччыны на Польшчу пачалася Другая сусьветная вайна.
1983 — савецкія вайскоўцы зьбілі паўднёвакарэйскі «Боінг», які перасек паветраную прастору СССР. Загінулі ўсе 269 пасажыраў.
1985 — знойдзены карабель «Тытанік», які патануў у 1912.
1990 — уступіў у сілу Закон аб мовах у Рэспубліцы Беларусь.
2004 — захоп закладнікаў у Бэслане (Расея).
2007 — у Полацку (Віцебская вобласць) адбылася ўрачыстая цырымонія адкрыцьця помніка князю Усяславу Чарадзею, які ўзначальваў Полацкае княства з 1044 па 1101 год і пры якім яно дасягнула найвышэйшага росквіту і магутнасьці.
У гэты дзень нарадзіліся:
1835 — Юзаф Каліноўскі, адзін з кіраўнікоў паўстаньня 1863-1864 на тэрыторыі Літвы і Беларусі.
1853 — Міхал Федароўскі, фальклярыст, этнограф, археоляг, калекцыянэр.
1900 — Сымон Баранавых, беларускі празаік.
1913 — Масей Сяднёў, беларускі празаік і паэт.
1926 — Валеры Глушакоў, беларускі сьпявак, народны артыст Беларусі
1928 — Расьціслаў Лапіцкі, арганізатар і кіраўнік антыкамуністычнага кансьпірацыйнага руху на Мядзельшчыне і Смаргоншчыне ў 1948–1950.
1934 — Уладзіслаў Даркевіч, беларускі археоляг, гісторык.
1942 — Іван Басюк, беларускі гісторык.
Цытата:
А як песьня панясецца —
Колькі ў песьні той нуды!
Уцякаў бы, бег, здаецца,
Сам ня ведаеш куды.
Якуб Колас, «Наш родны край» (першы апублікаваны верш паэта)
