Лінкі ўнівэрсальнага доступу

У Міжземным моры знайшлі буйное радовішча газу


Ілюстрацыйнае фота
Ілюстрацыйнае фота

Італьянская нафтагазавая кампанія Eni абвясьціла пра адкрыцьцё ў Міжземным моры каля берагоў Эгіпту найбуйнейшага радовішча газу.

Яно займае плошчу каля 100 квадратных кілямэтраў, а ягоны патэнцыял можа скласьці да 850 мільярдаў кубамэтраў газу.

Разьведаных запасаў павінна хапіць, як сьцьвярджаюць у кампаніі Eni, для пакрыцьця патрэбаў Эгіпту ў прыродным газе цягам некалькіх дзесяцігодзьдзяў.

Да цяперашняга часу асноўным пастаўшчыком газу ў эўрапейскія краіны застаецца расейская кампанія «Газпрам». Аднак яго доля на эўрапейскім рынку энерганосьбітаў з кожным годам памяншаецца ў сувязі з ростам здабычы газу ў краінах Эўрапейскага зьвязу.

Кампанія Eni мае намер у бліжэйшыя гады працягваць інвэставаньне ў выведку газу і нафты на шэльфе Міжземнага мора, у прыватнасьці ў дэльце Нілу і на Сінайскім паўвостраве.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG