Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com. Пажадана дасылаць фота ў прапорцыі 16 на 9.
Афіша:
Сёньня — міжнародны Дзень блогаў і блогераў.
У Казахзстане — Дзень Канстытуцыі, а ў Армэніі — Дзень возера Сэван.
У гісторыі:
1432 — князі Жыгімонт Кейстутавіч і Сямён Гальшанскі зрабілі замах на вялікага князя Сьвідрыгайлу. Пачатак грамадзянскай вайны ў ВКЛ.
1449 — падпісаны «вечны мір» паміж Вялікім Княствам Літоўскім і Маскоўскім.
1897 — Томас Эдысан запатэнтаваў кінапраектар.
1914 — Санкт-Пецярбург перайменаваны ў Петраград загадам імпэратара Мікалая II.
1920 — вырашальная перамога Польшчы над Чырвонай арміяй у бітве каля Камарова ў часе польска-савецкай вайны.
1939 — Вярхоўны Савет СССР ратыфікаваў савецка-нямецкі пакт пра ненапад.
1939 — уяўны напад на нямецкую радыёстанцыю ў Гляйвіц (Глівіцах), які быў аб’яўлены прычынай для пачатку вайны Нямеччыны з Польшчай. Уночы 31 жніўня 1939 году невялікая група нямецкіх вайскоўцаў пад камандаваньнем Альфрэда Наўёкса, апранутых у польскія ўніформы, заняла радыёстанцыю ў Глівіцах і перадала кароткі камунікат на польскай мове. Каля радыёстанцыі немцы пакінулі целы ахвяраў лягеру Дахаў, таксама апранутых у польскія ўніформы — усё для таго, каб гэтыя падзеі выглядалі як напад палякаў.
1944 — войскі 2-га Ўкраінскага фронту ўвайшлі ў Бухарэст.
1957 — Малайзія абвясьціла незалежнасьць ад Вялікабрытаніі.
1980 — у Польшчы створаны незалежны прафсаюз «Салідарнасьць».
1989 — малдаўская мова атрымала статус дзяржаўнай. Пісьменнасьць у Малдове пераведзеная на лацінку.
1991 — Кіргізстан і Узбэкістан абвясьцілі незалежнасьць ад СССР.
1993 — завершаны вывад расейскіх войскаў зь Літвы.
1994 — расейская армія пакінула тэрыторыю Нямеччыны.
1996 — спыніла вяшчаньне беларускае Радыё 101,2. 30 жніўня 1996 г. Радыё 101.2 атрымала факсам паперу зь Міністэрства сувязі, падпісаную кіраўніком БелДІЭ (дзяржаўнай інспэкцыі па электрасувязі) А. Ніканавым: «Каб прадухіліць перашкоды прыёмным каналам ЦС РТС „Алтай“, эксплюатацыю перадатчыка на частаце 101.2 МГЦ (...) спыніць з 1.09.96 г.»
Аляксандар Лукашэнка 21 верасьня 1996 г. на рэспубліканскім Форуме моладзі, адказваючы на зададзенае з залі пытаньне наконт прычыны закрыцьця радыёстанцыі, адказаў літаральна наступнае: «Ні 101.2, ні іншым антыдзяржаўную палітыку праводзіць на дзяржаўнай частаце за дзяржаўныя грошы дазволена ня будзе... А за грошы сорасаў і іншых у нас хапае гадасьцяў і так на дзяржаўным радыё і тэлебачаньні...»
1996 — Расея і Чачня падпісалі пагадненьне, якое скончыла I чачэнскую вайну.
У гэты дзень нарадзіліся:
12 — Калігула, рымскі імпэратар. Запомніўся як адзін з самых жорсткіх, марнатраўных і распусных уладароў. Забіты ў выніку змовы ў 41-м годзе.
1749 — Аляксандар Радзішчаў, расейскі пісьменьнік.
1832 — Людвік Нарбут, вайсковец, адзін з кіраўнікоў паўстаньня 1863-64 у Беларусі і ў Літве.
1850 — Аляксандар Шыманоўскі, беларускі этнограф.
1885 — Генадзь Багдановіч, беларускі грамадзкі дзяяч.
У гэты дзень памерлі:
1247 ― Конрад I Мазавецкі, князь мазавецкі і кракаўскі.
1867 ― Шарль Бадлер, францускі паэт, літаратурны крытык і перакладнік.
1920 ― Вільгельм Вунт, нямецкі фізыёляг, псыхоляг, філёзаф і мовазнаўца.
1931 ― Арсен Канчэўскі, дзеяч рэвалюцыйнага руху ў Заходняй Беларусі.
1941 ― Марына Цьвятаева, расейская паэтка.
1997 ― Дыяна Спэнсэр, прынцэса Ўэльская.
Цытата:
Многія людзі не ўяўляюць, як яны былі блізкія да посьпеху ў той момант, калі здаліся.
Томас Эдысан