Лінкі ўнівэрсальнага доступу

Лукашэнка зрабіў кадравыя прызначэньні


Аляксандар Лукашэнка

Аляксандар Лукашэнка прызначыў Юрыя Амбразевіча пастаянным прадстаўніком Беларусі пры аддзяленьні ААН і іншых міжнародных арганізацыях у Жэнэве (Швайцарская Канфэдэрацыя), паведамляе прэс-служба кіраўніка дзяржавы.

Раней Юры Амбразевіч працаваў начальнікам галоўнага ўпраўленьня шматбаковай дыпляматыі МЗС Беларусі, адказным сакратаром Нацыянальнай камісіі ў Рэспубліцы Беларусь у справах ЮНЭСКО.

Таксама кіраўнік дзяржавы ўзгадніў прызначэньне Дзьмітрыя Калечыца намесьнікам старшыні праўленьня Нацыянальнага банку Рэспублікі Беларусь. Раней спадар Калечыц займаў пасаду начальніка галоўнага ўпраўленьня манэтарнай палітыкі і эканамічнага аналізу Нацбанку.

Ігар Поршнеў прызначаны генэральным дырэктарам рэспубліканскага ўнітарнага прадпрыемства «Нацыянальная кінастудыя „Беларусьфільм“». Да гэтага ён працаваў генэральным дырэктарам кінакампаніі «UFC».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG