На судовым працэсе над азэрбайджанскай журналісткай Хадзіджой Ісмаілавай, вядомай сваімі расьсьледаваньнямі карупцыі ў вышэйшых эшалёнах улады, пракурор запатрабаваў для яе дзевяць гадоў зьняволеньня.
Гэтая інфармацыя стала «сумнай, хаця і не нечаканай весткай», — заявіў камісар Рады Эўропы па правах чалавека Нілс Мужніекс.
Ісмаілава зьяўляецца чарговай ахвярай у доўгім сьпісе актывістаў і журналістаў, падвергнутых крымінальнаму перасьледу па сфабрыкаваных абвінавачваньнях, лічыць ён.
Мужніекс заклікаў судовыя органы адкінуць прапанову пракурора і выконваць міжнародныя нормы.
«Гэта магло б адкрыць шлях да аднаўленьня даверу да сыстэмы правасудзьдзя Азэрбайджану», — сказаў ён.
У сваю чаргу, міжнародная арганізацыя ў абарону журналістаў «Рэпарцёры бязь межаў» таксама асудзіла выступ пракурора ў дачыненьні да Ісмаілавай.
Ісмаілавай, якая знаходзіцца ў турме больш за восем месяцаў, прад’яўленыя абвінавачваньні ў паклёпе, ухіленьні ад выплаты падаткаў, незаконнай прадпрымальніцкай дзейнасьці і злоўжываньні ўладай.
Журналістку, якая супрацоўнічала з «Радыё Свабода», арыштавалі 5 сьнежня 2014.
Праваабаронцы зьвязваюць гэта зь яе журналісцкай дзейнасьцю, у прыватнасьці, з публікацыямі аб сямейным бізнэсе прэзыдэнта Азэрбайджану Ільхама Аліева.
У траўні ПЭН-Клюб узнагародзіў Хадзіджу Ісмаілаву прэміяй імя Барбары Голдсьміт за свабоду слова.
Яшчэ на гэтую тэму
Самае папулярнае
1