Лінкі ўнівэрсальнага доступу

ЗША выведуць комплексы Patriot з Турцыі


Амэрыканскі зэнітны ракетны комплекс Patriot у Турцыі 5 лютага 2013 году

ЗША абвясьцілі, што ў кастрычніку выведуць свае зэнітныя ракетныя комплексы Patriot з Турцыі, дзе яны разьмешаныя на мяжы з Сірыяй.

Вашынгтон і Анкара ў супольнай заяве ад 16 жніўня паведамілі, што комплексы вернуць ў Злучаныя Штаты для важных абнаўленьняў, але пры неабходнасьці іх можна будзе вярнуць у Турцыю «цягам тыдня».

У заяве гаворыцца, што караблі ваенна-марскога флёту ЗША застануцца ва ўсходнім Міжземнамор’і, каб дапамагчы ў абароне Турцыі і ў місіях НАТО.

ЗША, Нямеччына і шэраг іншых краін НАТО у 2013 годзе разьмясьцілі свае супрацьпаветраныя падразьдзяленьні ў Турцыі, якая таксама ўваходзіць у альянс. Гэта было зроблена ў адказ на абстрэлы з тэрыторыі Сірыі.

Некалькі дзён таму Нямеччына абвясьціла, што 31 студзеня выведзе свае комплексы Patriot і 250 вайкоўцаў, якія цяпер разьмешчаныя ў Турцыі. Прэсавы сакратар міністэрства абароны Нямеччыны сказаў, што гэты крок выкліканы тым, што пагроза ракетных атак з Сірыі значна зьменшылася.

Паводле нямецкай ацэнкі, галоўнай пагрозай у рэгіёне цяпер зьяўляюцца ваяўнікі групоўкі Ісламская дзяржава, якія ня маюць ракетаў.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG