Лінкі ўнівэрсальнага доступу

Затрыманы кіраўнік хакейнага клюбу «Дынама-Менск» Беражкоў


Уладзімер Беражкоў

Затрыманы і дастаўлены ў СІЗА Ўладзімер Беражкоў — адзін з заснавальнікаў і колішні галоўны рэдактар газэты «Прессбол», а цяпер выканаўца абавязкаў генэральнага дырэктара, генэральны мэнэджэр хакейнага клюбу «Дынама-Менск».

Гэтую інфармацыю Радыё Свабода пацьвердзіла прадстаўніца Сьледчага камітэту Беларусі Юлія Ганчарова.

Паводле прадстаўніцы ведамства, Уладзімер Беражкоў затрыманы на падставе падазрэньня ў крадзяжы грашовых сродкаў хакейнага клюбу «Дынама-Менск». Сьледчы камітэт завёў крымінальную справу паводле часткі 3 артыкула 210 Крымінальнага кодэксу Рэспублікі Беларусь.

Службовая асоба падазраецца ў крадзяжы грашовых сродкаў з ужываньнем службовых паўнамоцтваў у памеры ня менш за 45 мільёнаў рублёў. Цяпер з падазраваным працуюць сьледчыя.

Сьледзтва хадайнічае перад пракурорам, каб Беражкова ўзялі пад варту.

Раней крымінальная справа была распачатая ў дачыненьні да генэральнага дырэктара «Дынама» Максіма Суботкіна, якога падазраюць у нанясеньні шкоды ў асабліва буйным памеры. Менавіта пасьля гэтага Беражкоў быў прызначаны выканаўцам абавязкаў генэральнага дырэктара, працягваючы выконваць функцыі генэральнага мэнэджэра клюбу.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG