У апублікаванай сёньня заяве гаворыцца, што фрагмэнты вывучаюцца спэцыялістамі Рады па бясьпецы Нідэрляндаў, якая праводзіць грамадзянскае расьсьледаваньне авіякатастрофы. Фрагмэнты будуць таксама перададзеныя міжнароднай сьледчай групе, якія вывучае абставіны гібелі «Боінга».
Пакуль адмыслоўцы ня могуць канчаткова пацьвердзіць сувязь паміж знойдзенымі абломкамі і гібельлю самалёта, які выконваў рэйс MH14 з Амстэрдаму ў Куала-Лумпур і разьбіўся на тэрыторыі, кантраляванай прарасейскімі сэпаратыстамі ў Данбасе.
Вэрсія, што самалёт быў зьбіты ракетай, пушчанай з зямлі, застаецца прыярытэтнай. У авіякатастрофе загінулі 298 чалавек — у асноўным падданыя Нідэрляндаў.
