Гэта першы рэактар у Японіі, які аднавіў сваю працу з моманту закрыцьця апошняга японскага рэактара ў 2013 годзе.
Функцыянаваць рэактар № 1 будзе ў адпаведнасьці з прынятымі ў Японіі з новымі правіламі бясьпекі.
Як чакаецца, пры спрыяльнай сытуацыі рэактар № 1 пачне генераваць электраэнэргію ўжо ў пятніцу.
Генэральны сакратар кабінэту міністраў Японіі Ёсіхідэ Суга ў аўторак заявіў, што ядзерная энэргія важная для разьвіцьця Японіі.
Паводле яго словаў, урад краіны ставіць бясьпеку на першае месца ў пытаньні эксплюатацыі АЭС, і што новыя правілы працы японскіх АЭС зьяўляюцца самымі строгімі ў сьвеце.
У сакавіку 2011 года каля паўночна-ўсходняга ўзьбярэжжа Японіі адбыўся землятрус, які выклікала цунамі. Гіганцкая хваля абрынулася на АЭС «Фукусіма-1», што прывяло да самай маштабнай аварыі з моманту катастрофы на Чарнобыльскай АЭС у 1986 годзе.
Да катастрофы 2011 году Японія мела 54 дзейных рэактараў, чатыры зь якіх былі сур’ёзна пашкоджаныя ў выніку аварыі на «Фукусіма-1».
Пасьля катастрофы ў краіне засталося 48 ядзерных рэактараў, якія былі цалкам спыненыя для праверкі іх бясьпекі.
Прэм’ер-міністар Японіі Сіндза Абэ выступае за тое, каб зноў запусьціць гэтыя рэактары, паколькі з-за спыненьня іх працы краіна вымушаная імпартаваць больш дарагія энэрганосьбіты.
