Радыёаматар з ангельскага горада Коўлфорд змог наладзіцца на частату перадатчыка Міжнароднай касьмічнай станцыі (МКС) і паразмаўляць з амэрыканскім астранаўтам. Пра гэта паведамляе ВВС. 52-гадовы Адрыян Лэйн распавёў, што сабраў радыёпрымач ва ўласным гаражы.
Паводле яго словаў, яму пашанцавала трапіць у чатыроххвіліннае вакно, калі МКС праходзіла над Коўлфардам.
«Ня кожны дзень атрымоўваецца пагаварыць з чалавекам у космасе. Гэта быў прыліў адрэналіну. Мне зьнесла галаву» — распавёў Лэйн.
Жонка радыёаматара вельмі дрэнна ставіцца да яго хобі, паколькі муж «цэлымі днямі тырчыць у гаражы».
Зрэшты, каб зьвязацца з экіпажам МКС, неабавязкова канструяваць радыёпрымач: касманаўты актыўна карыстаюцца Twitter.
