Лінкі ўнівэрсальнага доступу

Літанкета Свабоды: Антон Рудак


Антон Рудак нарадзіўся ў 1989 у Менску. Дэбютны зборнік вершаў «Верхні горад» выйшаў у 2014. Вершы і проза публікаваліся ў часопісе «Дзеяслоў» і газеце «Наша Ніва».

1. Для каго вы пішаце? (Хто ваш ідэальны чытач?)

Я пачаў пісаць вершы таму, што мне не падабаліся ўжо напісаныя, якія я спрабаваў чытаць. Таму перадусім пішу для сябе.

2. Дзе вам найлепш пішацца, і калі?

У ложку перад сном.

3. Аўтарам якой ужо напісанай кнігі вы хацелі б быць?

Я б хацеў быць аўтарам ужо напісанай кнігі прозы. Бо пакуль яшчэ мне гэта не ўдалося.

4. Які літаратурны герой найбольш падобны да вас?

Тамаш Суркант з «Даліны Ісы» Чэслава Мілаша.

5. Хто ваш улюбёны пісьменьнік?

Уладзімір Караткевіч, так склалася гістарычна.

6. Што вы цяпер чытаеце?

Бяруся перачытваць «Зельманцаў» Мошэ Кульбака, гэтым разам па-беларуску.

7. На якіх замежных мовах (расейская ня лічыцца) вы можаце чытаць?

Украінская, польская.

8. Якая ваша найбольш улюбёная кніга з напісаных вамі?

Яна адна.

9. Якую кнігу вам яшчэ хочацца напісаць?

Кнігу пра Менск. Магчыма, нон-фікшн.

10. Калі вы адчуваеце сябе найбольш свабодным?

У адзіноце.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG