Лінкі ўнівэрсальнага доступу

Актывістаў судзяць за падтрымку Рубцова


Адзін з актывістаў "Эўрапейскай Беларусі" Максім Вінярскі (справа) і Мікалай Колас падчас суду над Юрыем Рубцовым у майцы з надпісам "Лукашэнка, сыходзь!", 27 траўня 2015 году

22 чэрвеня ў Менскім раённым судзе чакаюцца працэсы над Максімам Вінярскім, Леанідам Кулаковым і Сяргеем Мацкойцем, актывістамі руху «Эўрапейская Беларусь», затрыманымі ў Менску 19 чэрвеня.

Усе трое былі затрыманыя ў пятніцу ўвечары каля супермаркета «Гіпа» на Лагойскім тракце за спробу вывесіць транспарант з надпісам «Свабоду Рубцову» (гомельскі актывіст Юры Рубцоў 28 траўня быў асуджаны на два гады пазбаўленьня волі, «Міжнародная амністыя» прызнала яго вязьнем сумленьня).

Затрыманых спачатку даставілі ва УУС Першамайскага раёну Менску, а затым перавезьлі ў ізалятар часовага ўтрыманьня Менскага раёну.

Іх абвінавачваюць у дробным хуліганстве.

Юры Рубцоў быў асуджаны на 2 гады зьняволеньня пасьля таго, як адмовіўся працаваць на «хіміі» за нізкі заробак і зрабіў на грудзях татуіроўку «Лукашэнка, сыходзь» і цяпер знаходзіцца ў ІЧС у Баранавічах. На хімію ён трапіў за абразу судзьдзі, які судзіў Рубцоўва, нягледзячы на тое, што таго прывезьлі на працэс бязь верхняга адзеньня.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG