Улады Кіеву разглядаюць магчымасьць перайменаваць адну з вуліц украінскай сталіцы ў гонар расейскага апазыцыянэра Барыса Нямцова, забітага ў цэнтры Масквы ў канцы лютага.
«Ёсьць ідэя перайменаваць вуліцу ў Кіеве [у гонар Нямцова], — цытуе мэра Кіева выданьне Корреспондент.net.
«Ён сапраўды клапаціўся пра нашу краіну, хацеў бачыць нашу краіну дэмакратычнай. Мы ні ў якім разе яго не забудзем і мы неаднаразова з архітэктарам Кіева гэтае пытаньне абмяркоўвалі», — цытуе Клічко Інтэрфакс-Украіна.
Расейскія апазыцыйныя актывісты таксама раней казалі пра жаданьне ўвекавечыць памяць Нямцова, пераназваўшы Вялікі Маскварэцкі мост, на якім быў забіты палітык.
Барыс Нямцоў быў забіты чатырма стрэламі ў сьпіну позна ўвечары 27 лютага.
Па справе аб забойстве палітыка былі арыштаваныя пяцёра ураджэнцаў Чачні.
