Лінкі ўнівэрсальнага доступу

На акупаванай тэрыторыі Данбасу заблякавалі сайт Радыё Свабода


Палітычная карыкатура
Палітычная карыкатура

На сайце ТРК «Данецкае кабэльнае тэлебачаньне» зьявіўся пералік рэсурсаў, якія заблякаваныя на патрабаваньне так званага «міністэрства інфармацыі і сувязі» групоўкі «ДНР», якая ва Ўкраіне прызнаная тэрарыстычнай.

У гэты пералік патрапілі сайты Радыё Свабода, «Тэлеканал 24», Hromadske.tv і іншых украінскіх мэдыярэсурсаў.

Доступ да сайтаў Радыё Свабода, а таксама ўкраінскіх мэдыярэсурсаў сапраўды заблякаваны, як сьведчаць людзі, якія цяпер знаходзяцца на акупаванай тэрыторыі.

30 траўня групоўка «ДНР» прыняла так званы «закон аб інфармацыі і інфармацыйных тэхналёгіях», які рэглямэнтуе вядзеньне «рэестру забароненых інтэрнэт-рэсурсаў». Як паказана, ён «вызначае парадак вядзеньня адзінага рэестру даменных імёнаў, паказальнікаў старонак сайтаў у сетцы інтэрнэт і сеткавых адрасоў, якія дазваляюць ідэнтыфікаваць сайты, якія зьмяшчаюць інфармацыю, распаўсюд якой у „ДНР“ забаронены». Аднак «адзіны дзяржаўны рэестр» групоўкі «ДНР», якая ва Ўкраіне прызнаная тэрарыстычнай, яшчэ ня створаны, а пералік забароненых сайтаў ужо апублікаваны і рэсурсы заблякаваныя.

На акупаванай частцы Данбасу вяшчаньне ўкраінскіх тэлевізійных каналаў адсутнічае зь лета 2014 году.

Больш чытайце на сайце ўкраінскай службы нашага радыё, заблякаванай у акупаванай тэрыторыі Данбасу.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG