Лінкі ўнівэрсальнага доступу

У Менску праходзіць Чарнобыльскі шлях. Удзельнікі скандуюць «Жыве Беларусь!», «Слава Ўкраіне!»


У Менску 26 красавіка распачалося штогадовае шэсьце «Чарнобыльскі шлях». У ім бяруць удзел, паводле праваабаронцаў, больш за 500 чалавек.

Акцыя, санкцыянаваная ўладамі, пачалася ад кінатэатру «Кастрычнік», яе асноўны лёзунг «Не — расейскай ядзернай пагрозе».

Удзельнікі акцыі таксама нясуць расьцяжкі «Свабоду Кірылу Сілівончыку», «Астравец — другі Чарнобыль», «Патрабуем вызваліць палітзьняволеных», «Дзе Расейская імпэрыя — там Чарнобыль, там Данбас».

Скандуюць лёзунгі «Жыве Беларусь!», «Слава Ўкраіне!», «Атам мірны не бывае».

Сярод удзельнікаў шэсьця — старшыня Партыі БНФ Аляксей Янукевіч, лідэры БХД Віталь Рымашэўскі і Павал Севярынец, палітык Уладзімер Някляеў.

У раёне вуліцы Дарашэвіча і праспэкта Незалежнасьці стаялі 2 аўтазакі і 5 аўтобусаў з АМАПам. Аднак супрацоўнікі міліцыі акцыі не перашкаджаюць.

Арганізатары акцыі вырашылі не праводзіць сёлета мітынг, аднак плянуюць прыняць рэзалюцыю. Яе тэкст раздалі ўдзельнікам «Чарнобыльскага шляху» перад пачаткам шэсьця.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG