«Чарнобыльскі шлях» прайшоў пад споклічамі «Спыніць палітычны Чарнобыль» і «Не АЭС у Беларусі»

Калёна рушыла. На чале — расьцяжка «Чарнобыльскі шлях», ікона Маці Божай Чарнобыльскай і чарнобыльскі звон.

Зьявіўся сьцяг Украіны.
Зьбіраюць сродкі для сям’і палітвязьня Яўгена Васьковіча.

Некалькі ўдзельнікаў акцыі ў майках з выявай сьцяга Эўразьвязу прынесьлі на месца збору павялічаныя фатаздымкі Аляксандра Лукашэнкі з Даляй Грыбаўскайце, Ангелай Мэркель і папам Рымскім. Здымкі суправаджаюцца подпісам «Эўропа абажае нягоднікаў?» па-расейску і па-ангельску.

Два актывісты «Эўрапейскай Беларусі», у тым ліку Максім Вінярскі, зьявіліся на месцы збору ў майках з надпісамі «Лукашэнка, сыходзь!» з аднаго боку і «Байкот выбарчаму фарсу» — з другога. Яны ж разгарнулі расьцяжку «Патрабуем вызваліць палітзьняволеных».

Каля «Кастрычніка» каля 150 чалавек. Шмат сьцягоў Эўразьвязу, ёсьць сьцягі «Маладой Беларусі».

Арганізатары разгарнулі расьцяжку «Не — расейскай ядзернай пагрозе».

Украіна. Беларусы ўсклалі кветкі да помніка ліквідатарам у Кіеве

Актывісты «Маладога Фронту» разгарнулі вялікую расьцяжку «Свабоду Кірылу Сілівончыку». Таксама зьяўляюцца і расьцяжкі, зьвязаныя з тэматыкай мерапрыемства — «Астравец — другі Чарнобыль» і «Спыніць палітычны Чарнобыль — вызваліць Міколу Статкевіча».

Арганізатары шэсьця прынесьлі на месца збору ікону Маці Божай Чарнобыльскай.