Пра гэта паведамляе Onliner.by.
10 красавіка ў клюбе «Рэпаблік» прайшла прэзэнтацыя новага альбома гурта «На Марс!». Канцэрт пачаўся зь вялікім спазьненьнем. Кулінковіч распавёў, што яму стала кепска ў грымёрцы перад выхадам на сцэну.
«Шчыра кажучы, я не разумеў, што са мной адбываецца: я нічога не памятаў і не арыентаваўся, дзе знаходжуся. Неяк прастаяў — выглядаў як вельмі п’яны». Сёньня раніцай мэдыкі дыягнаставалі ў яго мікраінсульт. Чарговы выступ гурта плянуецца 1 траўня ў Вільні на фэстывалі Belarus Alternative.
