Пра гэта заявіў прэм’ер-міністар Украіны Арсень Яцанюк на пасяджэньні ўраду.
«Урад сёньня ўнясе ў Вярхоўную Раду праект закона аб асуджэньні камуністычнага і нацысцкага таталітарных рэжымаў ва Ўкраіне і забароне іх прапаганды. Мы падрыхтавалі гэты законапраект, і я зьвяртаюся да сябраў парлямэнцкай кааліцыі, каб ён хутка прайшоў у парлямэнце», — заявіў Яцанюк.
Паводле яго слоў, урад таксама ўнясе ў Раду пакет законаў, прысьвечаных 70-й гадавіне перамогі над нацызмам.
У Вярхоўнай Радзе розных скліканьняў неаднаразова рэгістравалі законапраекты аб забароне камуністычнай ідэалёгіі ва Ўкраіне, аднак гэтыя заканадаўчыя ініцыятывы не былі падтрыманыя. У сьнежні мінулага году народныя дэпутаты Сяргей Пашынскі і Вікторыя Сюмар зноў зарэгістравалі такі законапраект.