Лінкі ўнівэрсальнага доступу

Ці пагражае Беларусі анэксія па крымскім сцэнары?


«Небясьпека ў першую чаргу крыецца для славянскіх краінаў»,— кажуць гарадзенцы, адказваючы на пытаньне Свабоды.

Ці спыніцца Пуцін на Крыме і Данбасе — альбо паспрабуе захапіць і іншыя тэрыторыі, якія раней уваходзілі ў склад СССР? Ці існуе ў гэтай сувязі пагроза для Беларусі? На гэтыя пытаньнямі адкавзалі жыхары Горадні.

пачакайце

No media source currently available

0:00 0:02:16 0:00
Наўпроставы лінк

Спадар: «Думаю, што Беларусі гэта не пагражае, але ва Ўкраіне хутка ня скончыцца. А што да іншых рэгіёнаў былога Саюзу, то мне здаецца, што гэта немагчыма. Там няма такой напружанай эканамічнай сытуацыі, як была ва Ўкраіне. А ўсе карані менавіта з эканомікі растуць».

Спадар: «Я не палітычны аналітык, але як чалавек думаю, што Пуцін стварае праблемы ня толькі для Ўкраіны, для сваёй краіны — Расеі, а яшчэ і для суседніх краінаў. І думаю, што падобныя праблемы ён там можа стварыць».

Спадар: «Хутчэй за ўсё, гэта пагражае і Беларусі, праўда, у іншай форме. На маю думку, гэта будзе адбывацца праз выкананьне гэтых дамоў аб саюзнай дзяржаве і Мытным саюзе. Такім чынам Беларусь можа стаць наступнай ахвярай Расеі. Што датычыць былых саюзных рэспублік, то краіны Балтыі добра забясьпечаныя НАТО, а ў азіяцкія краіны Пуцін не палезе. Небясьпека ў першую чаргу крыецца для славянскіх краінаў».

Спадар: «Наагул, я думаю, што Пуцін наўрад ці спыніцца на Ўкраіне. Хутчэй за ўсё, яму ўлады ўжо замала, ён хоча пакінуць свой сьлед у гісторыі. Таму ён будзе ісьці да канца, пакуль яго не прыціснуць. Думаю, што падобная сытуацыя пагражае ўсім суседзям, і нам таксама. Пакуль узаемаадносіны нармальныя, то яшчэ так, але калі яны папсуюцца, то нам гэта пагражае».

Спадар: «Могуць усіх у гэта ўцягнуць, але нам пакуль гэта не пагражае. Трэба падымаць сваю эканоміку, бо чым багацейшы народ, тым спакайней жывецца».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG