У Славаччыне прызнаны несапраўдным рэфэрэндум па пытаньні аб забароне аднаполых шлюбаў і ўсынаўленьні дзяцей аднаполымі парамі. Яўка на рэфэрэндуме, які прайшоў у суботу, склала крыху больш за 21 працэнта. Для прызнаньня вынікаў галасаваньня, якое адбыліся, неабходны ўдзел ня менш за палову выбарнікаў.
У Славаччыне не дазволеныя аднаполыя шлюбы і ўсынаўленьне дзяцей аднаполымі парамі. Прыхільнікі рэфэрэндуму дабіваліся таго, каб у будучыні гэтыя забароны было б цяжка зьмяніць на заканадаўчым узроўні.
Прадстаўнікі ЛГБТ-руху і некаторыя актывісты заклікалі выбарнікаў адмовіцца ад удзелу ў рэфэрэндуме.
Ініцыятар плебісцыту — грамадзкая арганізацыя «Альянс за сям’ю» аргумэнтуе сваю пазыцыю тым, што ў многіх краінах, у тым ліку ў суседніх Аўстрыі і Чэхіі, традыцыйныя сямейныя каштоўнасьці знаходзяцца пад пагрозай.