Лінкі ўнівэрсальнага доступу

Цыганкоў: Рэформ ня будзе, а вінаваты ў гэтым народ


Віталь Цыганкоў камэнтуе прэсавую канфэрэнцыю Аляксандра Лукашэнкі.

Першы ж адказ Лукашэнкі расставіў пэўныя кропкі над «і» — у Беларусі захаваецца цяперашняя сацыяльна-эканамічная мадэль, вялікіх пераменаў і кардынальных рэформаў ня будзе. «Мы не адмаўляемся ад сацыяльна арыентаванай мадэлі» — заявіў Лукашэнка.

У сваім стылі, Лукашэнка нежаданьне рэформаў «аформіў» як просьбу самога беларускага народу.

«Я магу прапанаваць розныя мадэлі, але вы іх не вытрымаеце». Бо, маўляў, будуць майданы, і людзі застануцца бяз працы. Лукашэнка зноў прадставіў структурныя рэформы як нешта страшнае і трагічнае. Да таго ж, паводле беларускага кіраўніка, «будзем ісьці сваёй дарогай. Нас капіююць многія, і нам зайздросьцяць многія».

Зь іншага боку, Лукашэнка папярэдзіў беларусаў:

«Наш народ не перажыў тых бедаў, таго гора, якое перажылі нашы суседзі». Гэта намёк на тое, што цяпер дайшла чарга і беларусаў для «бедаў і гора»?

  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода». На беларускай Свабодзе ад 1994 году. Карэспандэнт расейскай Свабоды ў Беларусі.
     

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG