Карэспандэнт украінскага інфармагенцтва "Ўніан" пытаецца пра менскі фармат перамоваў.​

Лукашэнка кажа, што ў Менску шмат чаго дасягнулі, але шкада, што потым адышлі ад гэтага. Калі б былі выкананыя менскія рашэньні – быў бы мір. Але цяпер – адыход. Зьявілася інфармацыя пра новыя фарматы. Калі хочуць пачаць з нуля – няхай. Навошта ў Астане новы фармат? Менскія дамоўленасьці будуць перакрэсьленыя? Столькі сустрэч было ўжо кіраўнікоў дзяржаў. Новую кантактную групу будуць ствараць? А навошта? Лінія вызначаная мэмарандумам у Менску, трэба яе накрэсьліць. Пытаецца, што такое «Град» у 40 ствалоў, што такое ўстаноўка «Точка». Трэба вярнуцца да менскіх перамоваў, удакладніць лінію і адвесьці войскі. Зацягваньне вайны недапушчальнае. Губляем час.

Каб спыніць ваенныя дзеяньні, патрэбна жаданьне ўцягнутых у канфлікт кіраўнікоў дзяржаваў. Трэба пераадолець рознагалосьсі, пераступіць праз амбіцыі і дамовіцца. Бо гінуць дзеці. Трэба вызначыць лінію, адвесьці войскі, правесьці муніцыпальныя выбары, дамовіцца, як будуць разьвівацца эканамічныя зоны. І праз два гады многае можна аднавіць. Трэба спыніць гэтую вайну.

Вадзім Шчаглоў, «Бабруйскае жыццё». Пытаецца пра рост заробкаў, прагноз павышэньня невялікі – ці не апасаецца Лукашэнка рэакцыі электарату? І пра заробкі ў канвэртах – ці рыхтуецца ўказ?​

Міністар працы Марыяна Шчоткіна прыводзіць прыклад, калі дырэктар фірмы грузаперавозак афіцыйна зарабляе 3,5 мільёна – маўляў, такога ня можа быць. І пра мізэрныя пэнсіі.​

Лукашэнка адказвае, што не баіцца рэакцыі электарату, бо цэны ўзялі пад кантроль. "Ня трэба мяне падштурхоўваць, што ў даляравым эквіваленце заробкі ўпалі. Вось калі б цэны ўзрасьлі – тады б было дрэнна". Што да заробкаў, калі ёсьць прыбыткі ў прадпрыемства – павышайце заробкі. Што да бюджэтнікаў – ёсьць грошы, будзем плаціць. Станок для друкаваньня грошай уключаць ня будзем, кажа Лукашэнка. Трэба вытрымаць кірунак адпаведнасьці прадукцыйнасьці працы і заробкаў.

Людміла Бурава, "Строительная газета". Пытаецца, ці будзе будаўніцтва жытла прыярытэтным.​

Лукашэнка кажа, што мільёнаў 5 квадратных мэтраў жытла сёлета будзе пабудавана. Гэта нямала. Інфраструктурныя аб'екты таксама будавацца будуць, у прыватнасьці, другая кальцавая дарога. Узгадвае АЭС, завод беленай цэлюлёзы, завод шпалернай паперы. Кажа, што ў новыя аб'екты "ўлазіць" ня будзем. Прыярытэт – жытлу, калі людзі хочуць будаваць – няхай будуюць. "Нядбайных" прыватнікаў выкінулі з рынку, засталіся дзяржаўныя.​

Кажа, што не пацерпіць бардаку ў будаўніцтве, які быў у апошнія гады, што новы міністар і прэм'ер самі пойдуць працаваць на цэмэнтны завод, калі не навядуць парадак. Абяцае паадкручваць галовы будаўнікам. "Што ні будаўнік – то праблема".

Раіць Сярэдзічу супакоіцца. Кажа, што "шманае і цярзае" міністра абароны і войска, трэці раз рэфармуе армію. Паўтарае, што "ня дай Бог нам ваяваць з Расеяй".​

Абяцае Сярэдзічу пры канцы лютага пагаварыць.​

Лукашэнка кажа, што ня хоча ўдзельнічаць у перадвыбарчых баталіях. Народ і так ведае, што робіць прэзыдэнт. Пераводзіць размову ў рэчышча бясьпекі. Абяцае прыслаць на абмеркаваньне Мяжуева, дзяржсакратара Рады бясьпекі. Зноў паўтарае, што мы – не Ўкраіна, і ўлада не дапусьціць тых памылак, якія Ўкраіна зрабіла. Згадвае Зянона Пазьняка, кажа, што не з таго пачаў, крычаў: «Мова, мова...» Сьцьвярджае, што мы так не падставімся, як Украіна. Кажа, што баіцца толькі аднаго: калі мы будзем ваяваць на Ўсходзе, зьбяром усю «дрэнь» з усяго сьвету, якая зарабляе на вайне. Адтуль яны папаўзуць у Расею і да нас. Але калі да нас прыйдуць зь мячом, мы адкажам тым жа. Узгадвае 1941 год, калі прытупілі пільнасьць.

Віталь Цыганкоў: Сярэдзіч - старая гвардыя, таму выступіў годна

Лукашэнка абяцае прыняць Сярэдзіча.

І просіць дакладваць яму, што робіцца ў «Народнай Волі». Просіць, каб у тэчку яму пастаянна ўкладалі гэтую газэту.​

Кажа, што былі вострыя матэрыялы, ён накіроўваў туды сына, а людзей там не было. Але ня памятае канкрэтных выпадкаў. Узгадвае, што знае Сярэдзіча 30 гадоў.

Сярэдзіч кажа пра дзясятак «Народных Воль». Лукашэнка жартуе: «Ну, ты накаркай мне яшчэ дзесяць “Народных Воль”. Мне адной хопіць». Кажа, што «Народная Воля» прадаецца ў Адміністрацыі прэзыдэнта.​

Сярэдзіч просіць міністра Ананіч прыслаць на практыку ў «Народную Волю», бо яна ня мае журналісцкай практыкі. Лукашэнка адказвае, што лепш у «Советскую Белоруссию».