Адказваючы на пытаньне журналістаў, ці гатовая Беларусь пашыраць свае магчымасьці ў мірным украінскім працэсе ў сувязі з учорашнімі рашэньнямі міністраў замежных спраў «нармандзкай чацьвёркі», Дзьмітры Мірончык адказаў:
«Усё, што мы можам зрабіць для ўсталяваньня міра ва Ўкраіне, мы зробім. Мы гатовыя прадставіць усе ўмовы для працы кантактнай групы па Ўкраіне ў тых канфігурацыях і ў тых фарматах, аб якіх яны заявяць. Мы вітаем любыя крокі, скіраваныя на ўсталяваньне міру ў нашых суседзяў, і гэта пазыцыя беларускага боку па-ранейшаму застаецца нязьменнай».
