Лінкі ўнівэрсальнага доступу

Пуцін паабяцаў хуткае расьсьледаваньне забойства ў Гюмры


Жалобная цырымонія ў Гюмры

Прэзыдэнт Расеі паабяцаў хуткае расьсьледаваньне і справядлівае пакараньне вінаватых у забойстве шасьцярых мірных жыхароў, чальцоў адной сям’і, у армянскім горадзе Гюмры.

Напярэдадні Уладзімір Пуцін паразмаўляў па тэлефоне з прэзыдэнтам Арменіі Сэржам Саргсянам.

Пуцін выказаў спачуваньні сваякам ахвяраў злачынства і запэўніў свайго армянскага калегу, што расейскія лекары акажуць дапамогу ў лячэньні шасьцімесячнага дзіцяці, якое выжыла пасьля нападу.

Забойства ў Гюмры на мінулым тыдні выклікала хвалю пратэстаў у Арменіі. Тысячы маніфэстантаў патрабавалі выдачы армянскім праваахоўнікам расейскага жаўнера тэрміновай службы, які прызнаўся ў забойстве і знаходзіцца пад арыштам на расейскай вайсковай базе. Перад тым, як учыніць злачынства, Валеры Пермякоў самавольна пакінуў сваю частку са зброяй.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG