Фэст прайшоў сёмы раз, традыцыйна на ім прадстаўляюць вершы і песьні зь зімовай атрыбутыкай, асабліва прысьвечаныя Калядам, Новаму году.
Сёлета ўдзел узялі паэты і барды зь Беларусі, Украіны, Румыніі, Эстоніі, Расеі, Латвіі. Журы адабрала 26 фіналістаў, зь якіх на фінальнай вечарыне вызначыліся 8 прызэраў: Натальля Рак, Міхал Бараноўскі, Зьміцер Захарэвіч, Максім Шняк, Наста Кудасава, Тацяна Сьветашова і Марыя Мартысевіч.
«Узровень фіналістаў заўсёды вельмі высокі. Калі ўзяць творчасьць удзельнікаў фэстывалю за кожны зь сямі гадоў, то кожны раз гэта залатая дваццатка беларускай сучаснай паэзіі. Таму што, нягледзячы на тое, што конкурс міжнародны, большасьць твораў напісаныя на беларускай мове. Але таксама ёсьць вершы і на іншых славянскіх мовах — расейскай і ўкраінскай», — распавёў Свабодзе заснавальнік Фэсту аднаго верша Георгі Барташ.
