Лінкі ўнівэрсальнага доступу

«Я — Валнаваха» — украінцы заклікаюць сьвет да салідарнасьці


12 мірных жыхароў загінулі і 16 параненыя ў выніку трапляньня ракеты ў аўтобус на ўсходзе Ўкраіны ў аўторак, 13 студзеня.

Гэта адбылося паблізу ўкраінскага КПП каля горада Валнаваха, што ў 35 кілямэтрах на паўднёвы захад ад Данецка. Трагедыя ўскалыхнула сацыяльныя сеткі — украінцы выказваюць спачуваньні сваякам загінуўшых і дзівяцца, на іх думку, павольнай рэакцыяй першых асоб.

Паводле паведамленьняў, аўтобус перавозіў цывільных пасажыраў з горада Марыюаля, што знаходзіцца на ўзьбярэжжы Азоўскага мора.

Некаторыя карыстальнікі сацыяльных сетак зьвярнулі ўвагу на тое, што колькасьць пасажыраў у расстраляным аўтобусе была такой жа, як і колькасьць загінулых супрацоўнікаў рэдакцыі сатырычнага часопіса «Шарль Эбдо» ў Францыі ад куль тэрарыстаў.

Нагадаем, сьвет выказваў спачуваньне французам, дадаючы да сваіх паведамленьняў у сацыяльных сетках хэштэг #CharlieHebdo і #JeSuisCharlie.

Інфармацыя аб трагедыі ускалыхнула сацыяльныя сеткі і справакавала спантанны твітэр-шторм з тэгам #JeSuisVolnovakha. Далучыліся да акцыі салідарнасьці і карыстальнікі сеткі Facebook.

«10 чалавек былі забітыя падчас рускай тэрарыстычнай атакі. Я не бачу хэштэг #JeSuisVolnovakha па ўсім інтэрнэце », — піша адна з карыстальніц сацыяльнай сеткі Twitter.

На месца ад ракеты «Град» загінулі 10 пасажыраў аўтобуса. У шпіталі ад раненьняў, панесеных з прычыны абстрэлу сэпаратыстамі пасажырскага аўтобуса пад Валнавахай Данецкай вобласьці, памерлі ўжо два чалавекі, мужчына і жанчына, паведаміў у аўторак вечарам начальнік галоўнага ўпраўленьня МУС Украіны ў Данецкай вобласьці Вячаслаў Аброськін.

Пракуратура Данецкай вобласьці па факце абстрэлу адкрыла крымінальную вытворчасьць па артыкуле «тэрарыстычны акт».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG