Лінкі ўнівэрсальнага доступу

Ужо сёньня, 14 студзеня. Судовая спрэчка пра сьвінакомплексы пад Маладэчнам


ФОТА ДНЯ. Анастасія Арол, вёска Слабодка, 2014

Бліц-агляд падзеяў і датаў гэтага дня.

Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015. Пажадана дасылаць фота ў прапорцыі 9 на 16. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша:

У Нацыянальным прэсавым цэнтры — прэс-канфэрэнцыя афіцыйнага Саюзу пісьменьнікаў Беларусі. Пачатак у 12.30.

У Нацыянальным мастацкім музэі адкрыецца выстава народнага мастака Беларусі Арлена Кашкурэвіча і прэзэнтацыя кнігі «Арлен Кашкурэвіч» з сэрыі «Славутыя мастакі з Беларусі».

У судзе Маладзечанскага раёну (вул. Галіцкага, 8) пачнецца разгляд пазову грамадзкай арганізацыі «Экадом» да кампаніі «Вялес-Міт», якая плянуе будаўніцтва двух буйных сьвінакомплексаў пад Маладэчнам. «Экадом» перакананы, што праект складзены з парушэньнямі беларускага заканадаўства і нанясе непапраўную шкоду экалёгіі рэгіёну. Пачатак а 10-й гадзіне.

Вільня (Літва), Беларускі дом правоў чалавека запрашае на прэзэнтацыю кнігі беларускага журналіста Аляксандра Тамковіча «Найноўшая гісторыя ў асобах». Прэзэнтацыя пройдзе ў Беларускім доме правоў чалавека (вул. Латако, 3). Пачатак а 15-й гадзіне. Разам з аўтарам на прэзэнтацыі будуць прысутнічаць два героя кнігі — Алесь Бяляцкі і Тацьцяна Равяка.

У гісторыі:

1582 — падпісаньне Ям-Запольскай мірнай дамовы паміж Рэччу Паспалітай і Маскоўскім Царствам, завяршэньне Інфлянцкай вайны.

1873 — распачаўся рух цягнікоў на лініі Менск — Вялейка.

1927 — паліцыя Польшчы арыштавала лідэраў Беларускай Сялянска-Работніцкай Грамады (мела 100 тысяч сяброў), у тым ліку Браніслава Тарашкевіча.

1962 — увод у эксплюатацыю нафтаправоду «Дружба».

1989 — у Вільні на II Вальным сойме беларускіх суполак заснаваная Канфэдэрацыя беларускіх моладзевых суполак (66 арганізацыяў).

1991 — у гадзіну ночы атрад спэцназу і група «Альфа» ўзялі штурмам тэлевежу ў Вільні. Насельніцтва аказала масавы супраціў захопу, падчас апэрацыі загінула 14 чалавек.

1995 — у Нясьвіжы адкрыўся гістарычна-краязнаўчы музэй

2011 — Перамога рэвалюцыі ў Тунісе, сыход з пасады прэзыдэнта Зін аль-Абідзіна Бэн Алі.

У памяці:

1875 — нарадзіўся Альбэрт Швэйцар, нямецкі тэоляг і лекар, ляўрэат Нобэлеўскай прэміі міру за 1952 год.

1893 — нарадзілася Канстанцыя Буйла, беларуская паэтка.

1898 — памёр Льюіс Кэрал, брытанскі пісьменьнік і матэматык, аўтар «Алісы ў Краіне цудаў» і «Скрозь Люстэрка і што ўбачыла там Аліса».

1916 — нарадзіўся Ўладзіслаў Чарняўскі, беларускі сьвятар.

1920 — нарадзіўся Мікола Аўрамчык, беларускі паэт.

1926 — нарадзіўся Янка Філістовіч, удзельнік антысавецкага падпольнага руху.

1938 — нарадзіўся Аляксандар Дубко, старшыня Гарадзенскага аблвыканкаму, Герой Беларусі.

1939 — Васіль Пятровіч Шаранговіч, народны мастак Беларусі, творца ў галіне кніжнай і станкавай графікі.

1942 — нарадзілася Вера Вярба, беларуская паэтка.

1980 — нарадзіўся Андрэй Курэйчык, беларускі і расейскі сцэнарыст, актор.

2005 — памёр Браніслаў Плотнікаў, беларускі мовазнавец.

Цытата:

Так, як цеста ў дзяжы для хлеба
Падыходзiць, нiбы на дражджах,
На працягу вякоў наша глеба
Падышла на крывi i сьлязах.

I пад мiрным небам пагодным
Незалежны наш вольны край
На ўрадлiвых палетках родных
Небывалы зьбярэ ўраджай.

Мікола Аўрамчык

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG