Беларускія банкі аб’яўляюць пра абмежаваньні апэрацыяў з выкарыстаньнем банкаўскіх плацежных картак.
«Белінвестбанк» заяўляе пра забарону:
на перавод з картак грашовых сродкаў у беларускіх рублях на карткі і рахункі ў замежнай валюце;
- на перавод грашовых сродкаў з рахункаў у беларускіх рублях на валютныя карткі;
- на ўнёсак наяўных беларускіх рублёў на валютныя карткі;
- на выдачу наяўнай замежнай валюты па рублёвых картках;
- на выкананьне безнаяўных плацяжоў у беларускіх рублях на рахункі ў замежнай валюце.
У сваю чаргу «Белаграпрамбанк» паведамляе пра тое, што «часова адсутнічае магчымасьць зьдзяйсьненьня асобных відаў апэрацыяў з выкарыстаньнем банкаўскіх плацежных картак». Пра якія апэрацыі ідзе гаворка — не ўдакладняецца.
«Альфа-банк» апублікаваў паведамленьне пра тое, што пры намеры зьняць у банку вялікую суму ў беларускіх рублях (ад 10 мільёнаў беларускіх рублёў), альбо замежную валюту (даляры ЗША / эўра / расейскія рублі ў любым памеры), неабходна замовіць сродкі папярэдне — за 5 працоўных дзён.
Прэс-служба «Беларусбанка» пра валютны ажыятаж: Усё, што было магчыма, — вывезьлі ў Расею
У прэс-службе «Беларусбанка» Радыё Свабода паведамілі, што аніякіх абмежаваньняў на продаж валюты ўводзіць не плянуюць, і параілі слухаць прэзыдэнта.
Пётар Пракаповіч: «Дэвальвацыя ад мяне не залежыць»
Віцэ-прэм’ер параіў журналістам «не хадзіць па абменьніках».
Віцэ-прэм’ер сказаў, што Беларусь — самастойная дзяржава, і ў яе няма зараз неабходнасьці ісьці тым жа курсам, якім ідзе Расея. Пракаповіч спадзяецца, што курс даляра будзе такім жа, якім ён прапісаны ў асноўных накірунках сацыяльна-эканамічнага разьвіцьця краіны.
Таргі замежнымі валютамі на валютна-фондавай біржы адмененыя.