Лінкі ўнівэрсальнага доступу

У Іране будуць судзіць карэспандэнта газэты Washington Post


Суд у Тэгеране прад’явіў афіцыйныя абвінавачваньні карэспандэнту газэты Washington Post Джэйсану Рэзаіану, які быў затрыманы ў Іране летам.

Як перадае выданьне, у суботу пасяджэньне суду, дзе разглядалася яго справа, доўжылася каля дзесяці гадзін. Рэзаіан падпісаў дакумэнт, у якім гаворыцца, што ён разумее, у чым яго вінавацяць. Між тым, у чым сутнасьць абвінавачваньняў, не паведамляецца, адзначае газэта.

Некалькі дзён таму ўтрыманьне пад вартай журналіста было падоўжанае да студзеня 2015 года ў сувязі з тым, што расьсьледаваньне ў дачыненьні да яго працягваецца.

Рэзаіан — грамадзянін ЗША іранскага паходжаньня, які мае падвойнае грамадзянства, быў арыштаваны 22 ліпеня разам са сваёй жонкай Егянех Салехі, якая таксама працуе журналістам. Пазьней яна была вызваленая пад заклад.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG