Лінкі ўнівэрсальнага доступу

«Левада-цэнтр»: 58% расейцаў хочуць чацьвёртага тэрміну Пуціна


Амаль у два разы вырасла за год доля расейцаў, якія хочуць бачыць Уладзіміра Пуціна на пасадзе прэзыдэнта Расеі пасьля 2018 году.

Паводле дадзеных апытаньня «Лявада-цэнтру», праведзенага ў канцы лістапада, 58 працэнтаў рэспандэнтаў адказалі станоўча на пытаньне сацыёлягаў аб тым, «ці хацелі б яны бачыць Пуціна на пасадзе прэзыдэнта Расеі па заканчэньні яго цяперашняга прэзыдэнцкага тэрміну». Год таму такі адказ далі 33 адсоткі расейцаў.

У той жа час 19 адсоткаў хочуць, каб на вышэйшую дзяржаўную пасаду быў абраны іншы чалавек. Яшчэ 22 адсоткі не змаглі вызначыцца з адказам. Меркаваньні рэспандэнтаў адносна таго, ці можа ў Расеі ў бліжэйшыя чатыры гады зьявіцца лідэр, здольны замяніць Пуціна на пасадзе прэзыдэнта, падзяліліся: 34 адсоткі лічаць гэта магчымым, траціна ня верыць у зьяўленьне такога чалавека, а 35 адсоткаў ня могуць адказаць.

Большасьць апытаных (60 працэнтаў) выказаліся за тое, каб кіраўнікі рэгулярна зьмянялі адзін аднаго ў барацьбе на дэмакратычных ўсенародных выбарах.

Дырэктар «Левада-цэнтру» Леў Гудкоў лічыць, што «прэтэнзіі да ўлады не сышлі», а проста часова «аказаліся ўзятыя ў дужкі». На думку сацыёляга, рэзка зьмянілі сытуацыю далучэньне Крыму і антыўкраінская кампанія, падчас якіх прэзыдэнт паводзіў сябе так, як гэта адпавядае масавым чаканьням. Пра гэта піша «Коммерсант».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG