Лінкі ўнівэрсальнага доступу

Суд, які прызначыў нагляд за Лобавым, праходзіў без адваката


Эдуард Лобаў

Палітвязьню Эдуарду Лобаву прызначаны прэвэнтыўны нагляд, які пачне дзейнічаць, як ён выйдзе з калёніі 18 сьнежня, і працягнецца як меней год. Суд адбыўся днямі ў калёніі.

Эдуарда Лобава прывялі да выязнога судзьдзі і вынесьлі гэтае рашэньне без адваката. Пра гэта паведаміла маці палітвязьня Марына Лобава са спасылкай на званок сына. Падрабязнасьцяў, як праходзіў суд, Марына Лобава ня ведае.

«Адвакат загадзя накіравала просьбу ў івацэвіцкі суд і ў калёнію, каб не праводзілі слуханьні без яе, але гэтага не ўлічылі. І я была напярэдадні на спатканьні, і тады ніхто нічога не паведаміў. І яго не папярэдзілі. Відаць, такі быў суд адкрытым, сумленным і справядлівым, што прысутнасьць адваката не спатрэбілася».

Вядома, што пасьля заканчэньня тэрміну Эдуард Лобаў выказваў намер вучыцца за мяжой, але цяпер з гэтымі плянамі прыйдзецца пачакаць як меншае год, паведаміла Марына Лобава.

Маладафронтавец Эдуард Лобаў быў асуджаны на 4 гады зьняволеньня нібыта за бойку, якую ён і беларускія праваабаронцы лічаць правакацыяй спэцслужбаў. Адбывае пакараньне палітвязень ў калёніі пад Івацэвічамі.

За два тыдні да выхаду на волю Эдуарда Лобава з калёніі ў Горках мусіць вызваліцца палітвязень Васіль Парфянкоў. Ягонага вызваленьня сябры чакаюць 5 сьнежня, паведаміла Свабодзе актывістка Вольга Мікалайчык.

«Парфянкоў хутка выйдзе, так. Будзем сустракаць, але лістоў ад яго няма і мяркую, ён зноў у карцэры і, відаць, будзе там ужо да свайго выхаду».

Палітвязень Васіль Парфянкоў быў пакараны на 1 год калёніі ва ўмовах строгага рэжыму за парушэньні правілаў прэвэнтыўнага нагляду, што ён спрабаваў аспрэчыць, але без выніку.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG