Канцэнтрацыя шкодных рэчываў у паветры над расейскай сталіцай перавысіла дапушчальную норму.
МЧС раіць масквічам абмежаваць час перабываньня на вуліцы, закрыць вокны і дзьверы і карыстацца марлевымі павязкамі.
У чацьвер 13 лістапада ў некалькіх раёнах Масквы ізноў распаўсюдзіўся пах гару. Прычынаю назвалі плянавае спаленьне адкідаў драўніны.
У ноч на панядзелак 10 лістапада масквічы пачалі скардзіцца на пахі серы, серавадароду і нафтапрадуктаў. Было зафіксаванае перавышэньне канцэнтрацыі ў паветры двухвокісу серы.
Пагаршэньне экалягічнай сытуацыі ў Маскве зьвязваюць з адмысловымі ўмовамі надвор’я.