Як малявалі беларускі рай. Дадалося відэа

абноўлена
Як малявалі беларускі рай

No media source currently available

Як малявалі беларускі рай

Цягам пяці гадоў кожны дзень на сайце svaboda.org публікаваліся сатырычныя малюнкі мастака ДэЛёз, у якіх паказвалася беларуская (і ня толькі) рэальнасьць без касмэтыкі і бяз пафасу. А загадкавы паэт ДаСьлёз напісаў вершы.

Імпрэзу вялі журналісты Аляксей Знаткевіч, Франак Вячорка і паэт і выкаанаўца Андрэй Хадановіч. Напачатку яны запрасілі прысутных узяць удзел у конкурсе сатырычных малюнкаў і вершаў «Беларускі рай». Конкурс атрымаў такую назву пасьля гісторыі, якая здарылася напярэдадні прэзэнтацыі. Калі арганізатары прэзэнтацыі зьвярнуліся ў Менгарвыканкам з просьбай аб расклейцы афішак на рэклямных тумбах сталіцы, чыноўнікі палічылі неэстэтычнай карцінку, якая была зьменшаная на афіцы.

Удзельнікам прэзэнтацыі раздалі аркушы паперы і флямастэры. Пакуль яны малявалі і пісалі вершы пар сваё ўяўленьне «Беларускага раю», Андрэй Хадановіч чытаў вершы з самога альбому, бо аўтары малюнкаў і вершаў невядомыя, яны не захацелі называць сябе.

Потым удзельнікі конкурсу чыталі свае яшчэ «цёплыя» вершы, якія толькі што напісалі. Выступілі Сяргей Мінскевіч, Марына Яўсейчык, Ірына Зорка і іншыя. На прэзэнтацыю дэбютаваў і дуэт гітарыста Андрэя Хадановіча і акардэяніста Аляксея Крукоўскага.

На наступным тыдні, 17-га лістапада, прэзэнтацыя адбудзецца ў Горадні, вул. Будзёнага 48а. Пачатак а 18.30.

19-га лістапада — у Магілёве, вул. Чкалава 16, грамадзкі цэнтар «Кола сяброў». Пачатак а 18.30.

Аляксей Знаткевіч
Аляксей Знаткевіч

​
XS
SM
MD
LG