Лінкі ўнівэрсальнага доступу

Парлямэнт рэформаў і эўрапейскай інтэграцыі


Пераможцы выбараў у Вярхоўную Раду Ўкраіны пачынаюць перамовы аб фармаваньні праэўрапейскай дэмакратычнай кааліцыі і ўраду.

Вялікая верагоднасьць, што крэсла прэм’ера захавае Арсеній Яцанюк. Лідэр пазачарговых выбараў у Раду — прэзыдэнцкі «Блёк Пятра Парашэнкі», аднак яго вынік апынуўся некалькі менш, чым яму давалі раней сацыёлягі і сам ён ня зможа сфармаваць парлямэнцкую кааліцыю і, адпаведна, новы ўрад. Ключавым саюзьнікам прэзыдэнцкага блёка, відавочна, стане «Народны фронт» цяперашняга прэм’ера-міністра Арсенія Яцанюка. У асяродку Парашэнкі не выключаюць, што Яцанюк захавае за сабой крэсла кіраўніка Кабінэта міністраў.

Арсеній Яцанюк
Арсеній Яцанюк

Лідэр «Блёка Пятра Парашэнкі» Юрый Луцэнка заявіў, што партыя прадставіць свае прапановы па фармаваньні кааліцыі большасьці ў Вярхоўнай Радзе ўжо ў панядзелак. Канчаткова пытаньне аб кааліцыі высьветліцца пасьля таго, як будуць вядомыя пераможцы выбараў у аднамандатных акругах.

Адразу пасьля заканчэньня нядзельнага галасаваньня былі апублікаваныя вынікі некалькіх экзіт-полаў — апытаньняў выбаршчыкаў на выхадах участкаў. Па гэтых зьвестках, з 29 партый 5-працэнтны бар’ер пераадолелі сем партый.

Прэзыдэнцкі «Блёк Пятра Парашэнкі» набірае некалькі менш чым, чым яму абяцалі сацыёлагі перад выбарамі — 23%. Другі вынік у «Народнага фронту» прэм’ер-міністра Арсенія Яцанюка — каля 20% галасоў. Трэцяе месца займае аб’яднаньне «Самопомач» мэра Львова Андрэя Садовага — 11%. Чацьвёрты вынік у «Апазыцыйнага блёка», у які ўвайшлі многія прадстаўнікі былой кіроўнай Партыі рэгіёнаў — каля 10%. У той жа час Радыкальная партыя Алега Ляшко атрымлівае толькі пяты вынік — 6,6% галасоў. І замыкаюць сьпіс пераможцаў гэтых выбараў з амаль аднолькавымі вынікамі партыя «Бацькаўшчына» Юліі Цімашэнкі і «Свабода» — каля 6%. Упершыню ў Вярхоўнай Радзе ня будзе камуністаў, яны не змаглі набраць нават 3% галасоў выбаршчыкаў. Вынікі галасаваньня сьведчаць, што ні адна з украінскіх палітычных сілаў не атрымала манапольнага мандату на фармаваньне большасьці. Паліттэхноляг Тарас Беразавец перакананы, што новая палітычная сыстэма ва Ўкраіне будзе грунтавацца на саюзе двух роўнавялікіх палітычных сіл — «Блёка Пятра Парашэнкі» і «Народнага фронту». Іх вынік на выбарах — жаданьне выбаршчыкаў па-ранейшаму бачыць альянс Пятра Парашэнкі і Арсенія Яцанюка. Іншымі ўдзельнікамі праэўрапейскай кааліцыі ў Радзе стануць «Самапомач» і «Свабода».

У той жа час «Бацькаўшчына», «Апазыцыйны блёк» і Радыкальная партыя — верагодныя апазыцыянэры, хоць пры пэўных абставінах хто-небудзь зь іх можа трапіць у склад большасьці. На думку Тараса Беразаўца, нізкі вынік Цімашэнкі і Ляшка — адказ грамадзтва на «партыю вайны», паколькі большасьць украінцаў хочуць міру. Першыя папярэднія вынікі выбараў Цэнтрвыбаркам абяцае апублікаваць раніцай у панядзелак 27 кастрычніка

Усяго ў выбарах удзельнічалі 29 партый. Сярод тых з іх, хто не пераадолеў неабходны для патрапляньня ў Вярхоўную Раду 5-працэнтны бар’ер, Кампартыя, «Моцная Ўкраіна» былога рэгіянала Сяргея Цігіпкі, «Правы сэктар» Дзьмітрыя Яраша і «Грамадзянская пазыцыя» Анатоля Грыцэнкі.

Галасаваньне па аднамандатных акругах можа прыкметна паўплываць на выніковы расклад сілаў у Радзе. Так, у прыватнасьці, Дзмітрый Яраш упэўнена перамагае на выбарах у 39-й выбарчай акрузе ў Днепрапятроўску. У Марыюпалі ў аднамандатнай акрузе № 58 перамагае экс-губэрнатар Данецкай вобласьці, бізнэсмэн Сяргей Тарута. Яўка на выбарах склала больш за 52%.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG