Лінкі ўнівэрсальнага доступу

ААН: Канфлікт ва Ўкраіне пазбавіў дому 800 тысяч чалавек


Уцекачы атрымліваюць гуманітарную дапамогу ў Марыупалі

Арганізацыя Аб’яднаных Нацый ацэньвае, што канфлікт ва Ўкраіне прымусіў больш за 800 тысяч чалавек пакінуць свае дамы.

Упраўленьне Вярхоўнага камісара ААН па справах уцекачоў заявіла на брыфінгу ў Жэнэве, што, паводле ацэнак, 430 тысяч чалавек у цяперашні час перамясьцілася ў межах Украіны — гэта на 170 000 больш, чым у пачатку верасьня.

Як мінімум 387 тысяч папрасілі статусу ўцекача, часовага прытулку або іншых формаў віду на жыхарства ў Расеі.

Яшчэ 6,6 тысячы зьвярнуліся з просьбай атрымаць прытулак ў Эўрасаюзе; 581 чалавек папрасіў прытулку ў Беларусі.

Каля 95% вымушаных перасяленцаў паходзяць з усходняй Украіны, дзе ўрадавыя войскі змагаюцца супраць прарасейскіх сэпаратыстаў.

Паводле Вярхоўнага камісара ААН, колькасьць перамешчаных асобаў будзе расьці і далей у сувязі з працягам баявых дзеяньняў ва ўсходняй Украіне.

Украіна рыхтуецца для ўсплёску гвалту напярэдадні парлямэнцкіх выбараў 26 кастрычніка.

Прэм’ер-міністар Украіны Арсень Яцанюк выказаў занепакоенасьць тым, што Расея можа паспрабаваць сарваць выбары. Ён заклікаў да «поўнай мабілізацыі ўсёй праваахоўнай сыстэмы», каб прадухіліць фальсыфікацыі і магчымы гвалт у ходзе галасаваньня.

Міністар унутраных справаў Украіны Украіны Арсен Авакаў паабяцаў мабілізаваць на дзень выбараў 82 тысячы праваахоўнікаў.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG