Больш, чым у Беларусі (47%), на тэрыторыі былога СССР сваім судовым сыстэмам давяраюць толькі ў Нагорным Карабаху (72%) і Грузіі (51%).
Паводле інстытуту Гэлапа, крыху больш за 50% дарослага насельніцтва ў дасьледаваных летась 123 краінах выказалі давер сваім судовым сыстэмам. У 73 з гэтых краінаў менш за палову жыхароў упэўненыя ў сваіх судах.
Жыхары краінаў былога СССР выказалі найменшую ўпэўненасьць у сваіх судовых сыстэмах — на ўзроўні 28%. Вынікі ў межах былога Савецкага Саюзу таксама шырока вар’іруюцца: ад 72% у Нагорна-Карабаскім рэгіёне да 16% ва Ўкраіне, дзе адзін з самых нізкіх рэйтынгаў у сьвеце.
Беларусь у гэтым сьпісе на трэцім месцы па даверы да сваіх судзьдзяў (сярод краінаў былога СССР).
Давер да судовай сыстэмы сярод краінаў былога СССР
Краіна | Так | Не | Ня ведаю |
Нагорна-Карабаскі рэгіён | 72% | 22% | 6% |
Грузія | 51% | 22% | 27% |
Беларусь | 47% | 30% | 23% |
Эстонія | 47% | 38% | 15% |
Азэрбайджан | 41% | 36% | 24% |
Казахстан | 40% | 46% | 14% |
Латвія | 31% | 54% | 16% |
Армэнія | 30% | 49% | 21% |
Расея | 28% | 54% | 18% |
Кіргізстан | 25% | 59% | 16% |
Літва | 25% | 66% | 9% |
Малдова | 19% | 70% | 11% |
Ўкраіна | 16% | 72% | 12% |
усяго | 28% | 55% | 16% |
У сьвеце лідэрамі па даверы сваёй судовай сыстэме зьяўляюцца краіны Азіі (65%), хаця і там ёсьць вялікае адрозьненьне: ад 95% даверу ў Бутане (дзяржава ў Гімалаях, паміж Індыяй і Кітаем) да 23% у Тайвані. У Кітаі апытаньне не праводзілася.