У Швэцыі ўзмоцненая вайсковая групоўка вядзе апэрацыю па выяўленьні падводнага аб’екту, які, як адзначае швэдзкая прэса, можа быць субмарынай.
У апэрацыі ўдзельнічаюць караблі, верталёты і сухапутныя войскі. Пошук вядзецца ў радыюсе 50 кілямэтраў ад Стакгольму.
Камандаваньне ваеннай апэрацыяй швэдзкіх узброеных сілаў адмаўляецца даваць журналістам якія-небудзь падрабязнасьці аб пошукавай апэрацыі ці прычынах, якія прывялі да пачатку яе правядзеньня.
Міністэрства абароны Расеі выступіла з аспрэчваньнем інфармацыі аб тым, што інцыдэнт нібыта зьвязаны з прысутнасьцю каля берагоў Швэцыі расейскай субмарыны. У заяве расейскага ваеннага ведамства гаворыцца, што «ніякіх няштатных» або аварыйных сытуацыяў з расейскімі караблямі не адбывалася.
