Тэма цяперашняга форуму — «Адказнае партнэрства ў справе эканамічнага росту і бясьпекі». У сустрэчы возьмуць удзел лідэры краін Эўропы, кіраўнікі Эўразьвязу, лідэры азіяцкіх дзяржаў, а таксама прэзыдэнт Расеі Ўладзімер Пуцін.
У кулюарах форуму плянуюцца двухбаковыя сустрэчы. У сераду канцлерка ФРГ Ангела Мэркель пацьвердзіла, што абмяркуе ў Мілане з Пуціным пытаньні, зьвязаныя з Украінай. На саміт прыедзе і прэзыдэнт Украіны Пятро Парашэнка, які ў пятніцу правядзе перамовы з Пуціным.
