Большасьць дэлегатаў Зьезда Партыя БНФ выказалісь за тое, каб падтрымаць ў якасьці адзінага кандыдата ў прэзідэнты на выбарах 2015 году старшыню руху «За свабоду» Аляксандра Мілінкевіча.
Падчас Зьезда Аляксей Янукевіч заявіў, што не лічыць неабходным Партыі БНФ ісьці з партыйным кандыдатам на Кангрэс дэмакратычных сілаў, таму што ў яго ўсё роўна ня будзе шанцаў атрымаць потым падтрымку памяркоўнай часткі беларускага грамадзтва.
У сувязі з гэтым падчас Зьезда была праведзена таемнае рэйтынгавае галасаваньне па пытаньню, які беларускі палітык лічыцца ў Партыі БНФ найбольш прымальнай асобай у якасьці адзінага кандыдата. Былі прапанованы пяць магчымых кандыдатур: Алена Анісім, Аляксандр Мілінкевіч, Анатоль Лябедзька, Уладзімер Някляеў і Мікалай Статкевіч.
Вынікі галасаваньня атрымаліся наступнымі:
- Аляксандр Мілінкевіч — 68 галасоў
- Мікалай Статкевіч — 21
- Алена Анісім — 20
- Уладзімер Някляеў — 14
- Анатоль Лябедзька — 1