Галоўнае пытаньне перамоваў — мір ва Ўкраіне. Апошні раз расейскі і ўкраінскі прэзыдэнты сустракаліся ў Менску 26 жніўня.
Пятро Парашэнка, выступаючы на брыфінгу ў Харкаве, заявіў, што ў дасягненьні міру важнае спыненьне агню і ўзнаўленьне кантролю над украінска-расейскай мяжой. Таксама ў Мілане будуць урэгуляваныя разыходжаньні паміж Расеяй і Ўкраінай у газавым пытаньні.
Сустрэча абодвух прэзыдэнтаў адбудзецца ў межах Форума Азія-Эўропа (АСЕМ).