Былы кандыдат на прэзыдэнта Алесь Міхалевіч, які цяпер знаходзіцца ў эміграцыі даслаў ліст да зьезда Партыі БНФ, у якім просіць аднавіць яго ў складзе сяброў партыі. Зьезд падтрымаў унясеньне гэтага пункту ў парадак дня.
Пры гэтым старшыня Партыі БНФ Аляксей Янукевіч выказаўся супраць разгляда гэтага пытаньня і аднаўленьня Міхалевіча ў партыі: «Я лічу, што ён не заслугоўвае аднаўленьня ў партыі».
У суботу ў памяшканьні канцэртнай залі ДК (былы ДК «Сукно»), што на вуліцы Матусевіча, адбываецца справаздачна-выбарны зьезд партыі БНФ і грамадзкага аб'яднаньня "БНФ Адраджэньне".